21 აგვისტოს UFC-ის სუპერმსუბუქი დივიზიონის ქართველი მებრძოლი, მერაბ დვალიშვილი ჟოზე ალდოს დაუპირისპირდა და დაამარცხა. მებრძოლებმა ოქტაგონზე სამი რაუნდი გაატარეს და მსაჯთა გადაწყვეტილებით, უპირატეს მდგომარეობაში სწორედ მერაბი აღმოჩნდა.

UFC-ში მოპოვებული ზედიზედ მერვე გამარჯვების შემდეგ, მერაბ დვალიშვილი ემოციებს ვერ მალავდა. მან მეტოქის მიმართ პატივისცემაც გამოხატა და გარდა ამისა, არც მეგობარი, ალჯამეინ სტერლინგი დაივიწყა, რომელსაც როგორც მერაბმა აღნიშნა, მის წარმატებაში უდიდესი წვლილი მიუძღვის:

ღმერთო ჩემო, არ მჯერა. ეს ოცნების ახდენაა, რაც დაუჯერებელია. ჟოზე ალდო ვიცი როგორი მებრძოლიცაა და ასეთ ბრძოლასაც ველოდი. ეს ჩვენი საქმეა და წარმატებისთვის ყველაფერი უნდა გაიღო.

მადლობა ღმერთს, რომ გამარჯვებული მე აღმოვჩნდი, მაგრამ ამავე დროს, მინდა, რომ ჟოზე ალდოს მიმართ ჩემი დიდი პატივისცემა და სიყვარული გამოვხატო.

ჟოზე ძალიან ტექნიკურია და ფეხებით საოცრად მუშაობს, რამაც გამაოცა. როგორც წესი, მე ყოველთვის ვცდილობ მეტოქე წავაქციო.

რაც შეეხება ალჯამეინ სტერლინგს, ამ არაჩვეულებრივი ადამიანის, სვანი კაცის დამსახურებაა, რომ მე დღეს აქ ვარ. როდესაც 10 წლის წინ აქ ჩამოვედი, არ ვიცოდი ინგლისური და არც ის თუ სად უნდა მევარჯიშა. ალჯო დამეხმარა და სწორედ მან მაქცია მე ისეთად, როგორიც დღეს ვარ. მე ჩემს ოცნებებში ვცხოვრობ და ეს ალჯოს დამსახურებაა. ჩემი დამარცხება მხოლოდ მას შეუძლია.

მერაბ დვალიშვილი: „ჩემი დამარცხება მხოლოდ მას შეუძლია“

მერაბ დვალიშვილი მეგობრის მადლიერია

უახლესი ამბები